الشيطانه البرئيه (انتقام الدماء البيضاء)

"عمركم شوفتوا شكل جثتكم وهي بتتحلل؟ أنا شوفت.. وشوفت الدود وهو بياكل في ملامحي اللي كانت في يوم من الأيام اجمل الملامح اللي ممكن تشوفها عينك! انا نور أو المرحومه نور زي مابيتقال عليا دلوقتي😂 رجعت من الحتة اللي مفيش منها رجوع! علشان اخد حقي من العيله الملعونه (حطب جهنم) اللي حرقوا قلبي وكسروا نفسي لسنين وحولو اجمل لحظات حياتي واللي بتتمنها اي بنت لحزن وسواد وقله قيمه لمجرد أن ابنهم حبني واتمسك بيا وكسر قواعد العيله بإنه يتجوز من بنت عمه علي حسب عاداتهم دفعوني تمن حاجات انا ماليش يد فيها ونسيوا أن دي تدابير ربنا وإرادته😭 المهم انا فرحااانه اوووووي عمركم شوفتم ميت فرحان 😂 تعالو اقولكم سبب فرحتي واعيشكم معااايا تفاصيل انتقااامي اللي عقلكم البشري مش ممكن يتخيل بشاعتها هخليه

• م يتمنوا الموت وميطلهوش .

دلوقتي، الساعة اتنين بعد نص الليل، والبيت كله هس هس.. أنا قاعدة فوق صدر جوزي اللي خذلني وسابهم ينهشوا فيا. بيبصلي وهو مش قادر يتحرك ولا يفتح بقه من الجاثوم، وشي ضلمة وعينيا سايحة بدم نازف، وريحة القبر والتراب المبلول مالية الأوضة. قربت وشه من وشي البارد وهمستله وسناي بتخبط في بعضها والدم بينقط من بوقي علي وشه وبرجع الحسه تاني بلساني طعمه حلو اووووي، عينه خرجت من وشه ياعيني من كتر الرعب 🙈 انت لسه شوفت حاجه دا انا هبهرك متخفش انت بتترعش ليه لسه الحفله مابدائتش انا هسيبك للآخر ،هسيبك تتفرج عليهم واحد واحد وهم بيدفعو تمن اذيتهم وظلمهم ليا وبعدين هاخدك معايا لتحت لأرض النار علشان اعيشك السواد اللي شوفته وانا معااك ايه مستنيني تحضروا معانا الحفله انتو كمان طب مش الاول اعرفكم بنفسي وحياتي كان شكلها ايه قبل دخولي قبر العيله الملعونه ايوه قبر ماانا ادفنت مرتين مره وانا حيه ومره وانا ميته تعالي احكيلكم قصتي م الاول. انا نور بنت زي القمر انا ف تالته ثانوي ومنتظره النتيجه ادعولي اجيب مجموع عايزا ادخل طب ويقولوا الدكتوره راحت الدكتوره جت والدي ميسور الحال أو كان ميسور الحال بس نقول ايه النسوان 😂 كان نسوانجي كبير الله يرحمه بقا وامي كانت ست علي الله حكايتها كل اللي يهمها بيتها وعيالها وان الشمس تيجي عل الغسيل علشان تنشفه🙄 فالراجل ياقلب أمه أطر يتجوز هل هو كدا غلطان لاء طبعا مثني وثلاث وربااااع لحد مااتخرب بيتنا وحالتنا الماديه ادحورت 😭😭 ومن هنا كانت نقطه البدايه اللي هدمر حياتي وتنهيها بالبشاعه اللي هتشوفها..جاهزين تعيشوا التفاصيل المرعبه احنا دلوقتي 2002 الساعه تلاته الضهر كانت لسه الموبايلات منتشرتش تليفون البيت هيرن وامي هترد الو... ام خالد ايوه مين انا واخده يهمها مصلحتك وصعبان عليا تكملي حياتي وانتي متغفله كدا متغفله وضحي كلامك انتي مين وعايزا ايه ماقولتك انا واحده يهمها مصلحتك ويكلمك علشان انورك واقولك أن جوزك اللي عايشه تحت رجله وقيداله صوابعك العشره شمع متجوز عليكي انتي كدابه... انتي مين😭 ياستي كدابه كدابه بس لو حابه تتاكدي بنفسك هو رايحلها النهارده الساعه 7 وهيبات عندها وهيقولك أنه مسافر ف شغل وانتي عرفتي دا كله منين😭 انا ابقي مرات واحد صحبه وهو دايما بيخرج بيها ف اي تجمع وسيبك انتي الغلبانه ف البيت تربي العيال وياستي علشان تتاكدي انا معايا شريط فيديو فرح ابن حد من أصحابهم وهي طالعه فيه وهي داخله معاه وبيعرفنا عليها علي انها مراته وهنا وقعت امي وكلنا صرخنا وجرينا عليها واحنا مش عارفين ايه السبب بعد شويه فاقت وصدمتنا كلنا بالخبر المشئوم وطلبت من ابويا الانفصال اللي بالفعل تم ومبقيناش نشوفه ولا يبعتلنا فلوس وهنا طبعا كان لازم اشتغل علشان اقدر اصرف علي نفسي وعلي دراستي واحد من معارفنا جبلي شغل ف كافتريا كان هاني ودا اسم المنيل جوزي مديرها وقتها وطبعا وقع ف غرامي من اول نظره وهنا كان أول الطريق لجهنم...🔥🥹 مش هطول عليكو ف تفاصيل كتير لاني عارفه اد ايه متشوقين تعرفوا هنتقم منهم ازي بس قبل مااحبس أنفاسكم ببشاعه انتقامي لازم تعرفوا عملوو فيا ايه وكميه الوجع اللي حرقوا بيها قلبي وحطموا بيها خلايا مخي لحد ماخلوه وقف عن التفكير وخلوني روحت للكفر بكل ايمااان 🥹 ايمان بأن العذاب دا لازم ينتهي وان اكتب بكل اريحيه اخر سطر ف كتاب عمري... هبدأ بيوم كتب كتابي رغم أنه مش بدايه الالم الالم والوجع كانوا قبل كدا بس دا اليوم اللي مضيت فيه بايدي وبكل غباء رغم كل الإشارات اللي كانت بتقول لاء متكمليش الا ان حبي ليه عماني وكنت فاكره اني بعد الجواز هقدر أخليهم يغيروا رأيهم فيها ويندموا أنهم ماكانوش موافقين علي الجوازه والحقيقه ان انا اللي ندمت 😂

ايه مستنين تسمعوا باقي القصه طب قوموا حطو كنكنه القهوه ع النار عقبال ما اشرب كوبايه السعير دي واكولي حتيتين جمر حاسه اني هبط😂😂 ولحد هنا خلص الجزء الاول عايزين تعرفوا هبتدي بمين وهنتقم منه ازي انتظروا الجزء التاني⛓️‍💥👌